The Touchstone er stutt skáldsaga eða nóvella eftir bandaríska rithöfundinn Edith Wharton. Sagan kom út árið 1900 og var fyrsta nóvella höfundar.

Hér segir frá Stephen Glennard sem er í fjárkröggum og þarf nauðsynlega að eignast peninga til þess að geta kvænst unnustu sinni. Hann á enn í fórum sínum ástarbréf frá fyrri ástmey sinni, frægum rithöfundi, og bregður á það ráð að selja bréfin tímariti nokkru. En brátt fer samviskan að láta á sér kræla.

Edith Wharton (1862-1937) hlaut Pulitzer-verðlaunin fyrir skáldsöguna The Age of Innocence árið 1921, fyrst kvenna.